ചെറുവരകളും ചെറുവരികളും( ബിംബങ്ങള്‍‍ -1)

--------------


-----------

സീരിയലുകളുടെ കാലമല്ലേ. ബാക്കി അടുത്ത എപ്പിസോഡില്‍‍ പറയാം.
ചെറുകഥാ ക്യാമ്പിലെ വിശേഷങ്ങള്‍‍ തുടരും. :)
‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍------------------------------------------------------------------------

വലിയലോകവും ചെറിയ വരകളും ( ബുഷങ്കിളിന്‍റെ വിശപ്പു്)‍‍

-----------------------------------

ഇന്ത്യയിലെ മധ്യവര്‍ഗ്ഗത്തിന്റെ ജീവിത നിലവാരം ഉയര്‍ന്നതാണ്‌ വിലക്കയറ്റത്തിന്‌ കാരണമായതെന്ന്‌ ജോര്‍ജ്ജ്‌ ബുഷ്‌ ശനിയാഴ്‌ച പ്രസ്‌താവിച്ചു. ഇന്ത്യയുടെയും ചൈനയുടെയും അത്യാര്‍ത്തിയാണ്‌ ഭക്ഷ്യ പ്രതിസന്ധിക്ക്‌ കാരണമെന്ന്‌ അമേരിക്കന്‍ പ്രതിരോധ സെക്രട്ടറി കോണ്ടലിസാ റൈസും പറഞ്ഞു.

വാര്‍ത്ത..

ഏകദേശം 75 ബില്ല്യണ്‍ ഡോളറിന്റെ ഭക്ഷണം ആണത്രെ അമേരിക്ക ഒരു വര്‍ഷം വേസ്റ്റ് ആക്കുന്നത്. ( ഏകദേശം മൂന്ന് ലക്ഷത്തി പതിനെണ്ണായിരം കോടി രൂപ.) എനിക്കു വിശക്കുന്നു എന്ന നിലവിളി ഇനിയും കെട്ടടങ്ങാത്ത ഇന്‍ഡ്യ.
ബുഷിന്‍റെ വിശപ്പു തീര്‍ന്നിട്ടില്ല. ഒരു ഇറാക്കു കൊണ്ടൊന്നും ഒരു സദ്യ ആകില്ലെന്നറിയാം. എവിടെയും കൊടിപിടി ആയുധമായവര്‍ക്കു് നല്ലൊരു കൊടി ബുഷമ്മാവന്‍ നല്‍കിയിരിക്കുന്നു, ഈ കൊടും ചതിയന്‍ എന്തുദ്ദേശിച്ചാണിത്തരം പ്രസ്താവനകളിറക്കുന്നതു്.?.

വലിയലോകവും ചെറിയ വരകളും( ഭ്രാന്തു്)

തുടക്കം ഇങ്ങനെ തന്നെ.അപ്പുറവും ഇപ്പുറവും ഒന്നായാല്‍ പിന്നെ
ഇവിടെ എന്താണുള്ളതു്.?
-----------------------------------------------

ഒക്കെ ഒരു ഭ്രാന്തന്‍ വിലാപം.
വീണ്ടുമൊരുനാള്‍ വരും
എന്റെചുടലപ്പറമ്പിനെ തുടതുള്ളുമീ
സ്വാര്‍ത്ഥ സിംഹാസനങ്ങളെ കടലെടുക്കും
പിന്നെ ഇഴയുന്ന ജീവന്റെ അഴലില്‍ നിന്ന്
അമരദീപം പോലെ ആത്മാക്കളിഴചേര്‍ന്ന്
ഒരദ്വൈത പത്മമുണ്ടായ് വരും
--------------------------------------------------------

വലിയലോകവും ചെറിയ വരകളും( അഗ്രഗേറ്ററിലെത്താന്‍ ഇതാ ഒരു കുറുക്കു വഴി.)

(ഇവിടെ ക്ലിക്കു ചെയ്യൂ)അഗ്രഗേറ്ററില്‍ വന്നില്ലെങ്കില്‍‍‍

അഗ്രഗേറ്ററുകളില്‍ വന്നില്ലെങ്കില്‍ ലിങ്കു് ഒന്നു കൂടി പോസ്റ്റു ചെയ്യുക.
ചിത്രങ്ങള്‍ മാത്ര്മൂള്ള പോസ്റ്റാണെങ്കില്‍, കുറച്ചു മലയാള വരികള്‍ കുറിപ്പുകളായി ഉള്‍ക്കൊള്ളിക്കുന്നതു് അഗ്രഗേറ്ററുകള്‍ക്കു് എളുപ്പമാണു്. വലിയലോകവും ചെറിയ വരകളും (ചേരി ചേരാതെയും ചേരി) എന്ന പോസ്റ്റിന്‍റെ ലിങ്കിലെത്താന്‍ മുകളിലെ ലിങ്കില്‍ ക്ലിക്കു ചെയ്യുക.:)

വലിയലോകവും ചെറിയ വരകളും (ചേരി ചേരാതെയും ചേരി)

വലിയലോകവും ചെറിയ വരകളും (ഗ്രൂപ്പില്ലാ ഗ്രൂപ്പു്)

രാഷ്ട്രീയക്കാരുടെ ഗ്രൂപ്പു്.
പത്രക്കാരുടെ ഗ്രൂപ്പു്.
അധ്യാപകരുടെ ഗ്രൂപ്പു്.
വിദ്യാര്‍ഥികളുടെ ഗ്രൂപ്പു്,
ഡോക്ടര്‍മാരുടെ ഗ്രൂപ്പു്,
തൊഴിലാളികളുടെ ഗ്രൂപ്പു്.
മുതലാളിമാരുടെ ഗ്രൂപ്പു്.
എന്നു വേണ്ട സകലതിലും ഗ്രൂപ്പുണ്ടു്. ഇനി ഈ ഗ്രുപ്പുകളികളിലും ഗ്രൂപ്പു കാണാം.
രാഷ്ട്രീയക്കാരന്‍ പറയുന്നു. ഞങ്ങളുടെ പാര്‍ട്ടിയില്‍ ഗ്രൂപ്പു വഴക്കില്ലെന്നു്. ഗ്രൂപ്പിസമില്ലെന്നു്.
അതു പറയുമ്പോഴേ അറിയാം ആ പറഞ്ഞ ആള്‍ ഒരു ഗ്രൂപ്പിന്‍റെ വക്താവാണെന്നു.

ഗ്രൂപ്പുകളില്ല എന്നു പറയുന്നതു് വലിയ ഒരു തട്ടിപ്പാണു്.

എവിടെയും ഗ്രൂപ്പുകള്‍ ഉണ്ടു്. സൂക്ഷ്മ പരിശോധനയില്‍ വ്യക്തമാണു്.
നല്ലതിഷ്ടപ്പെടുന്നവരോ അല്ലാത്തവരോ,
ബുജി ജാടകള്‍ ഇഷ്ടപ്പെടുന്നവരും ഇല്ലാത്തവരും,
നേരേ വാ നേരേ പോ ആള്‍ക്കാരും അല്ലാത്തവരും.
ഏതായാലും ഗ്രുപ്പുകള്‍ ഉണ്ടു്.
അതിനു് ഓഫ്ഫീസില്ല. രജിസ്റ്റ്രേഷനില്ല. അജണ്ടകളോ നിയമങ്ങളോ ഇല്ല. അതു് അന്തര്‍ലീനമായി നിലകൊള്ളുന്നു.
അച്ചുതാനന്ദന്‍ ഗ്രൂപ്പു്, പിണറായിക്കും,മാണിക്കും,കൊടിയേരിക്കും പിന്നെ വാജ്പെയിക്കും അഡ്വാനിക്കും.
എന്തിനു് ഏം.ടിയ്ക്കും വിജയനും മുകുന്ദനും സക്കറിയക്കും.
ദൈവത്തിനും ഗ്രുപ്പുണ്ടു്.
മത ലേബലുകളുമായി വരുന്ന സീരിയലുകള്‍ക്കും ഗ്രൂപ്പുണ്ടു്.
ജാതിയുടെ പേരു വാലില്‍ വയ്ക്കുന്നവരുടെ ഗ്രൂപ്പുണ്ടു്.
അതു ചോദ്യം ചെയ്യുന്നവരുടേയും ഗ്രൂപ്പുണ്ടു്.
വയ്ക്കാതെ തന്‍റെ ജാതി ഉറക്കെ വിളിച്ചു പറയുന്നവരുടെ ഗ്രൂപ്പുണ്ടൂ്.
സം‌വരണം കിട്ടാന്‍ ഏതു ജാതിയാകുന്നതിനും മടിക്കാത്തവരുടെ ഗ്രൂപ്പും ഉണ്ടു്.
കൊല്ലുന്നവരുടെ.
സ്വയം ചത്തു കൊല്ലുന്നവരുടെ ഒക്കെ ഗ്രൂപ്പുണ്ടു്.
സ്വന്തം വീട്ടില്‍ തന്നെ ഗ്രൂപ്പുകളുണ്ടു്.
ഞാന്‍ ഗ്രൂപ്പുകളില്‍ ഇല്ല. ഞാന്‍ ഗ്രൂപ്പുകളെ ഇഷ്ടപ്പെടുന്നില്ല. ഗ്രൂപ്പുകള്‍ക്കു് ഞാനൊരു കോടാലിയാണു് എന്നൊക്കെ പറയുന്നവര്‍
മറ്റൊരു ഗ്രൂപ്പുണ്ടാക്കാന്‍ തുടങ്ങുകയാണെന്നു് അറിയേണ്ടി ഇരിക്കുന്നു.
ഗ്രൂപ്പില്ലാ ഗ്രൂപ്പു്.

അപ്പോള്‍ നിങ്ങള്‍ക്കും എനിക്കും ഗ്രൂപ്പുണ്ടു്.

ഹഹ...അല്ല ഞാനേതു ഗ്രൂപ്പിലാ.?
-----------------------------

വലിയലോകവും ചെറിയ വരകളും ( വിഷു സംക്രമ പക്ഷി പാടി)

മക്കളേ, കാടെവിടെ മക്കളേ..
മക്കളേ, വയലെവിടെ മക്കളേ...
പണ്ടു ചങ്ങമ്പുഴ പാടിയ വരികളിവിടെയും അര്ത്ഥവത്തമാകുന്നതു പോലെ.
ഇതിനൊക്കെ പ്രതികാരം ചെയ്യാതിരിക്കുമോ പതിതരേ നിങ്ങള്‍ തന്‍ പിന്മുറക്കാര്‍.
പ്രതികാരം പിന്മുറക്കാര്‍ക്കനുഭവിക്കാം.
നിങ്ങള്‍ ചെയ്യുന്നതിനോടു് പ്രകൃതി നിങ്ങളുടെ പിന്മുറക്കാരോടു പ്രതികാരം ചെയ്യാന്‍ തുടങ്ങിയിരിക്കുന്നു.
കാടായ കാടുകളും, മാമലകള്‍ക്കപ്പുറവും, പെരിയാറേ...പര്‍വ്വത നിരയുടെ പനിനീരേയും, വസന്തങ്ങള്‍ ഈ വഴിയേ വന്നു,,,വനജ്യോത്സനയും, ആയിരം പാദസരങ്ങള്‍ കിലുക്കിയ ആലുവാപ്പുഴയും, എനിക്കെന്‍റെ നിള മതി എന്നു പറഞ്ഞ ശബ്ദങ്ങളും ഒക്കെ ഇന്നെവിടെ മക്കളെ.
ആന്ധ്രയില്‍ നിന്നു വരുന്നു അരി.
തമിഴ്നാടില്‍ നിന്നു വരുന്നു പൂവുകള്‍.
നമുക്കു കൊയ്തെടുക്കാന്‍ മക്കളേ വിപ്ലവമുണ്ടു്.

വിത്തും കൈക്കോട്ടും പാടി പറന്ന വിഷു പക്ഷികളുടെ പുലര്‍കാലങ്ങള്‍.
പൂത്തുലഞ്ഞു നിന്ന കൊന്ന പൂവുകളിലെ മുഗ്ദ്ധ സൌന്ദര്യങ്ങള്‍,
ഓര്‍മ്മകളുടെ ഉമ്മറപ്പടിയിലിരുന്നു്,
ഒത്തിരി ദൂരെ നിന്നും, സ്നേഹം നിറഞ്ഞ വിഷു ആശംസകള്‍.!!! - വേണു.

വലിയലോകവും ചെറിയ വരകളും ( കോമര ശിലകള്‍)

കഥയോ കവിതയോ ലേഖനമോ മാത്രമല്ല, അഭിമുഖം തുടങ്ങി എന്തു പ്രകടനവും ബ്ലോഗിലൂടെ നിര്‍വ്വഹിക്കാം.തന്‍റെ മഹിമയെ കുറിച്ചു് ഒരു റിപ്പോര്‍ട്ടുണ്ടാക്കി കൊടുക്കാം. കാര്‍ടൂണോ ചിത്രമോ വരയ്ക്കാം.പണച്ചിലവില്ലാത്തതിനാല്‍ സ്വന്തം രചന വായനക്കാരന്‍ സ്വീകരിച്ചോ എന്ന ചിന്തയും വേണ്ട.
കേരള കൌമുദിയില്‍ വന്ന പുനത്തില്‍ കുഞ്ഞബ്ദുള്ളയുടെ “എഡിറ്ററെ ആശ്രയിക്കാതെ” എന്ന ലേഖനത്തില്‍ നിന്നു്.

ഹാഹാഹാ...

ഈ വിവരം ചൂണ്ടിക്കാട്ടിയപ്പോള്‍, കിട്ടിയ മറുപടിയും രസാവഹം തന്നെ. “അങ്ങനെ ഒരു ആശയം ആ ഫീച്ചറില്‍ വന്നുവെങ്കില്‍ നിര്‍വ്യാജം ഖേദിക്കുന്നു. ഒരു എഡിറ്റര്‍ക്കു വായിച്ചുകൊടുത്ത് എഡിറ്റര്‍ എഴുതിയുണ്ടാക്കിയപ്പോള്‍ വന്ന മാറ്റമാകാന്‍ സാദ്ധ്യതയുണ്ടത്രെ.“
അപ്പോള്‍ എഡിറ്ററെ ആശ്രയിച്ചതിന്‍റേ കുഴപ്പം.‍ അല്ലേ.?

വലിയലോകവും ചെറിയ വരകളും(സംഗം ശരണം ഗച്ചാമി)

വലിയലോകവും ചെറിയ വരകളും ( കട്ടില്)

ഒരു കയറു കട്ടിലിനു പറയാനൊന്നുമില്ല,
എങ്കിലും പറയാതിരിക്കാനും കഴിയുന്നില്ല,
മൂത്ത കാരണവരും ഈ കട്ടിലില്‍ കിടന്നിട്ടുണ്ടു്.
----------------------------------------------

വലിയലൊകവും ചെറിയ വരകളും(ക്രിക്കറ്റു മതി)

------------------------------------------


വെറുമൊരു പാവം ക്രിക്കറ്റിനെ ഇന്നും സത്യത്തിലാരും തിരിച്ചറിഞ്ഞില്ല.
--------------------------------------------

വലിയലോകവും ചെറിയ വരകളും(കണ്ണാടി)

കണ്ണാടി. മനസ്സിന്‍റെ കണ്ണാടി മനസ്സു തന്നെ. ആണോ.?

വലിയലോകവും ചെറിയ വരകളും(കോമാളികള്‍)

കോമാളികളുടെ ലോകമെന്നു പറയാമോ.
അല്ല ആരാ ഒരിക്കലെങ്കിലും കോമാളി ആകാത്തതു്.
അവസര ബോധമില്ലാതെ കടന്നു വരുന്ന ഒരു കോമാളിയാണു് മരണം പോലും.
-----------------------------

വലിയലോകവും ചെറിയ വരകളും ( തലയിലെഴുത്തു്)

തലയിലെഴുത്തിങ്ങനേയും തിരുത്താം.
മരിച്ചവര്‍ക്കു് പെന്‍ഷന്‍. ഭര്‍ത്താവു` ജീവിച്ചിരിക്കെ വിധവാ പെന്‍ഷന്‍.
കേഴുക മമ നാടേ.!

വലിയലോകവും ചെറിയ വരകളും (കണ്ടപ്പോഴും കേട്ടപ്പോഴും)

മലയാളം മറക്കുന്ന മലയാളികള്‍
കേരളത്തെ വെറുക്കുന്ന കേരളീയര്‍.

ഒരിക്കലെവിടെയോ തമാശയായെഴുതിയിരുന്നതു വായിച്ചു.

അമേരിക്കയില്‍ നിന്നു വന്ന ഒരു മലയാളി പറഞ്ഞു പോലും. “ഇവിടെ ഒക്കെ എന്തൊരു പച്ചക്കാടുകളായിരുന്നു. നിങ്ങളിതൊക്കെ വെട്ടി നശിപ്പിച്ചിരിക്കുന്നു.“ ഗ്രാമീണന്‍റെ ഉത്തരം.“ അല്ല ആ കാടൊക്കെ ഇവിടെ നിര്‍ത്തി ഞങ്ങള്‍ കാടന്മാരായി ഇവിടെ കഴിയാം.“

ജനിച്ച നാട്ടിലൊഴികെ മറ്റെവിടെയും ഒരു രണ്ടാം പൌരന്‍ മാത്രമാണു പ്രവാസി.
എത്ര ആഡംബരങ്ങളിലും എത്ര പദവികളിലും,
മലയാളി, മലബാറിയായോ മദ്രാസ്സിയായോ ആയി പ്രവാസിത്വത്തില്‍ രൂപാന്തരം പ്രാപിക്കുന്നു.
എനിക്കെന്നായാലും എന്‍റെ നാടു മതി.
ഞാന്‍ ജനിച്ചു വളര്‍ന്ന നാടു്.
ഓര്‍മ്മകളുടെ മണിച്ചെപ്പു മുഴുവനും നിറഞ്ഞിരിക്കുന്ന നാടു്.
നാടിന്‍റെ ഓരോ പുരോഗമനമായ കാല്‍ വയ്പുകളിലും ഞാന്‍ അഭിമാനിക്കുന്നു.
പാകപ്പിഴകളേയും ഇകഴ്ച്ചകളേയും, എല്ലായിടത്തും വ്യാപിക്കുന്ന ചില പ്രതിഭാസങ്ങളില്‍ ഉള്‍പ്പെടുത്തി സമാധാനിക്കുന്നു.

തിരിഞ്ഞു നോക്കുമ്പോള്‍ തോന്നാറുണ്ടു്. നീ വണ്ടി കേറി ആ നാടു വിട്ടതു പോലും ആ നാടിനു് നിനക്കു് ഒന്നും നല്‍കാന്‍ ഒക്കാതിരുന്നതിലല്ലേ. പിന്നെയും എന്തിനു സ്നേഹിക്കണം.?
അല്ല. അല്ല. അല്ല.
അവിടെ ചിന്തിക്കേണ്ട വിഷയങ്ങളുണ്ട്‌.
വര്‍ഷാവര്‍ഷം ഓടി പോകുന്നതിനു പിന്നില്‍ എന്തൊക്കെയോ ഉണ്ടു്.
ആ എന്തൊക്കെയോയേ, ഒരു പക്ഷേ വേരുകളെന്നു പറയുന്നതാണോ, അതൊന്നും എനിക്കറിഞ്ഞു കൂടാ.
അടിഒഴുക്കുകളോ കര്‍മ്മവിധിയോ എവിടെയൊക്കെയോ എത്തിപ്പിക്കുമ്പോഴും, മനോഹരമായ ഒരു വലിയ ക്യാന്‍വാസ്സു് നിറയെ ഓര്‍മ്മ പ്പൂക്കള്‍ നിറഞ്ഞിരിക്കുന്നു.

എന്നായാലും തിരിച്ചു് നാട്ടിലേയ്ക്കെന്നു തന്നെയാണെന്‍റെ സ്വപ്നം.
മിക്ക പ്രവാസികളുടേയും സ്വപ്നങ്ങള്‍ ഇങ്ങനെ തന്നെ എന്നു തോന്നാറും ഉണ്ടു്.

അന്യ നാട്ടിലൊരിക്കല്‍ ഞാന്‍ കേട്ട ഒരു ശബ്ദം ഞാനോര്‍ത്തു വച്ചിരിക്കുന്നു.
പട്ടിണിയായാലും നാട്ടിലായാല്‍ ഒരു ഞാലി പൂവന്‍ വാഴയുടെ മൂട്ടിലായാലും ആരേയും പേടിക്കാതെ കിടന്നുറങ്ങാമല്ലോ.
വെറും വാക്കാണു്. അതിനു പിന്നിലെ സത്യങ്ങളെല്ലാം തുറിച്ചു നോക്കുമ്പോഴും അതിലെ മലയാള മണ്ണിനോടുള്ള സ്നേഹം എനിക്കു് തിരിച്ചറിയാന്‍ കഴിയുന്നു.

ജനിച്ചതു കേരളത്തിലാണെന്നും, മാതൃ ഭാഷ മലയാളമാണെന്നും പറയാനറയ്ക്കുന്നവര്‍ മലയാളികളല്ല.

‍
ഞാന്‍ ഒരു മലയാളിയാണെന്നു് അഭിമാനത്തോടെ പറയാന്‍ ആഗ്രഹിക്കുന്നു . :)

---------------------------------

വലിയലോകവും ചെറിയ വരകളും(കിളി പാട്ടുകള്‍)

കിളികള്‍ പാടുന്നില്ലെന്ങ്കില്‍, പൂവുകള്‍ സംസാരിക്കുന്നീല്ലെങ്കില്‍, കൊച്ചരുവിയ്ക്കൊന്നും പറയാനില്ലെങ്കില്‍.....
വൃശ്ച്ചികക്കാറ്റിനു കിന്നാരമില്ലെങ്കില്‍,
ഇല്ല...ഇല്ല. ഒന്നുമില്ല.

നാട്ടു മുല്ലയ്ക്കു് മണം മാത്രമല്ല, പിന്നെയും പലതും പറയാനറിയാതെ...
ഒരജണ്ടയിലൂടെ പാടുന്ന കിളികളുടെ കാലം വരാതിരിക്കട്ടെ.
സ്വച്ചന്ദം പാടാന്‍ കിളികള്‍ക്കു കഴിയട്ടെ. അതു കണ്ടുണരാന്നും.
------------------------------------------

(ഇന്നു് ബ്ലോഗിലെവിടെയോ കണ്ട ഒരു ലേഖനമോ കവിതയോ ആയിരുന്നു. കിളികള്‍ക്കു പാടാനൊരു അജണ്ട വേണമെന്നു്.)

വലിയലോകവും ചെറിയ വരകളും(കണ്ണൂര് നീരുകള്‍)‍

ഒന്നും പറയാനില്ലാത്ത നിസംഗതയ്ക്കു് ഞാന്‍ തയാറല്ല.ഒക്കെ പറയാനില്ലാത്ത സത്യം എന്നെ കൊഞ്ഞനം കാണിക്കുന്നു. നിസംഗതയുടെ വാത്മീകത്തിലിരുന്നെങ്കിലും ഞാനും എന്‍റെ കൊഞ്ഞനം കുത്തട്ടെ. ഒരു പക്ഷേ ഈ കൊഞ്ഞനം എന്നോടു തന്നെ ആവാം.
---------------------------------------------------------

വലിയ ലോകവും ചെറിയ വരകളും (കണക്കുകളിലെ കണക്കു~)

കണക്കു് എനിക്കേറ്റവും ഇഷ്ടമായ വിഷയമായിരുന്നു.

കണക്കിനു കൂടുതല്‍ മാര്‍ക്കു ‍ വാങ്ങിയിരുന്ന ഞാന് ‍‍ കണക്കിന് പകരം കൊമ്മേര്‍സു പഠിച്ചത് എന്‍റേയും കണക്കു് തെറ്റിച്ചു.

മലയാളം നല്ല രിതിയില്‍ എഴുതുകയും വായിക്കുകയും ചെയ്ത എന്‍റെ ചില യുവജനോത്സന കുസൃതികള്‍ കണ്ട് തോളത്തു കൈ വച്ചനുഗ്രഹിച്ചവരുടേയും കണക്കുകള്‍ തകര്‍ത്തപ്പോള്‍ എനിക്കു ആ കണക്കിനോടും അത്ഭുതം തോന്നി.

ജ്യോതിഷം അറിയാവുന്ന ഭാസ്ക്കരന്‍ സാറായിരുന്നു നാളും പേരും ശരീര ഭാഷയും അറിഞ്ഞു് ഒരിക്കല്‍ പെണ്‍പിള്ളാരുടെ മുന്നില്‍ വച്ചു പറഞ്ഞതു്, നീ ഒരു നടനാകാന്‍ എല്ലാ സാധ്യതയും ഉണ്ടു. ഭാസ്കരന്‍ സാറിന്‍റെ പ്രവചനത്തിനെ തെറ്റിച്ച ആ കണക്കിനേയും ഞാന്‍ അത്ഭുതത്തോടെ നോക്കി നിന്നു.

കൃഷ്ണനാചാരി സാര്‍ പഠിപ്പിച്ച കണക്കുകളുടെ മാന്ത്രികത വീണ്ടും പഠിക്കാന്‍ കഴിയാതെ പോയ്യ മഹാ നിര്‍ഭാഗ്യത്തിനു മുന്നില്‍ നിന്നെനിക്കിന്നെല്ലാം മനസ്സിലാകുന്നു.

എല്ലാം ഒരു കണക്കു തന്നെ.

ആ മഹാ കണക്കിന്റെ മുന്നില് തല കുനിക്കുന്നു.
കണക്കിന്റെ മഹാ സത്യങ്ങളുടെ മുന്നില് ഒരു കണക്കും അറിയാതെ ഞാനും ഒരു കണക്കായി.
അതും മറ്റൊരു കണക്കാകാം.

പല കണക്കുകളും തെറ്റിക്കുന്ന ആ വലിയ കണക്കിന്‍റെ മുന്നില്‍ നിന്നു പറഞ്ഞു പോകുന്നു. ഒക്കെ ഒരു കണക്കു്.

------------------------------

വലിയലോകവും ചെറിയ വരകളും(പരീക്ഷകള്‍)

വലിയലോകവും ചെറിയ വരകളും ( അധിക പ്രസംഗി)

---------------------------------------------------
അരോചകമാകുന്നതെല്ലാം അധിക പ്രസംഗം തന്നെ.
-----------------------------------