തിങ്കളാഴ്ച, ഏപ്രിൽ 14, 2008
വലിയലോകവും ചെറിയ വരകളും ( വിഷു സംക്രമ പക്ഷി പാടി)
മക്കളേ, കാടെവിടെ മക്കളേ..
മക്കളേ, വയലെവിടെ മക്കളേ...
പണ്ടു ചങ്ങമ്പുഴ പാടിയ വരികളിവിടെയും അര്ത്ഥവത്തമാകുന്നതു പോലെ.
ഇതിനൊക്കെ പ്രതികാരം ചെയ്യാതിരിക്കുമോ പതിതരേ നിങ്ങള് തന് പിന്മുറക്കാര്.
പ്രതികാരം പിന്മുറക്കാര്ക്കനുഭവിക്കാം.
നിങ്ങള് ചെയ്യുന്നതിനോടു് പ്രകൃതി നിങ്ങളുടെ പിന്മുറക്കാരോടു പ്രതികാരം ചെയ്യാന് തുടങ്ങിയിരിക്കുന്നു.
കാടായ കാടുകളും, മാമലകള്ക്കപ്പുറവും, പെരിയാറേ...പര്വ്വത നിരയുടെ പനിനീരേയും, വസന്തങ്ങള് ഈ വഴിയേ വന്നു,,,വനജ്യോത്സനയും, ആയിരം പാദസരങ്ങള് കിലുക്കിയ ആലുവാപ്പുഴയും, എനിക്കെന്റെ നിള മതി എന്നു പറഞ്ഞ ശബ്ദങ്ങളും ഒക്കെ ഇന്നെവിടെ മക്കളെ.
ആന്ധ്രയില് നിന്നു വരുന്നു അരി.
തമിഴ്നാടില് നിന്നു വരുന്നു പൂവുകള്.
നമുക്കു കൊയ്തെടുക്കാന് മക്കളേ വിപ്ലവമുണ്ടു്.
വിത്തും കൈക്കോട്ടും പാടി പറന്ന വിഷു പക്ഷികളുടെ പുലര്കാലങ്ങള്.
പൂത്തുലഞ്ഞു നിന്ന കൊന്ന പൂവുകളിലെ മുഗ്ദ്ധ സൌന്ദര്യങ്ങള്,
ഓര്മ്മകളുടെ ഉമ്മറപ്പടിയിലിരുന്നു്,
ഒത്തിരി ദൂരെ നിന്നും, സ്നേഹം നിറഞ്ഞ വിഷു ആശംസകള്.!!! - വേണു.
വ്യാഴാഴ്ച, ഏപ്രിൽ 10, 2008
വലിയലോകവും ചെറിയ വരകളും ( കോമര ശിലകള്)
കഥയോ കവിതയോ ലേഖനമോ മാത്രമല്ല, അഭിമുഖം തുടങ്ങി എന്തു പ്രകടനവും ബ്ലോഗിലൂടെ നിര്വ്വഹിക്കാം.തന്റെ മഹിമയെ കുറിച്ചു് ഒരു റിപ്പോര്ട്ടുണ്ടാക്കി കൊടുക്കാം. കാര്ടൂണോ ചിത്രമോ വരയ്ക്കാം.പണച്ചിലവില്ലാത്തതിനാല് സ്വന്തം രചന വായനക്കാരന് സ്വീകരിച്ചോ എന്ന ചിന്തയും വേണ്ട.
കേരള കൌമുദിയില് വന്ന പുനത്തില് കുഞ്ഞബ്ദുള്ളയുടെ “എഡിറ്ററെ ആശ്രയിക്കാതെ” എന്ന ലേഖനത്തില് നിന്നു്.
ഹാഹാഹാ...
ഈ വിവരം ചൂണ്ടിക്കാട്ടിയപ്പോള്, കിട്ടിയ മറുപടിയും രസാവഹം തന്നെ. “അങ്ങനെ ഒരു ആശയം ആ ഫീച്ചറില് വന്നുവെങ്കില് നിര്വ്യാജം ഖേദിക്കുന്നു. ഒരു എഡിറ്റര്ക്കു വായിച്ചുകൊടുത്ത് എഡിറ്റര് എഴുതിയുണ്ടാക്കിയപ്പോള് വന്ന മാറ്റമാകാന് സാദ്ധ്യതയുണ്ടത്രെ.“
അപ്പോള് എഡിറ്ററെ ആശ്രയിച്ചതിന്റേ കുഴപ്പം. അല്ലേ.?
തിങ്കളാഴ്ച, ഏപ്രിൽ 07, 2008
ബുധനാഴ്ച, ഏപ്രിൽ 02, 2008
വലിയലോകവും ചെറിയ വരകളും ( കട്ടില്)
ഒരു കയറു കട്ടിലിനു പറയാനൊന്നുമില്ല,
എങ്കിലും പറയാതിരിക്കാനും കഴിയുന്നില്ല,
മൂത്ത കാരണവരും ഈ കട്ടിലില് കിടന്നിട്ടുണ്ടു്.
----------------------------------------------
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)