ബുധനാഴ്‌ച, ഡിസംബർ 31, 2008

ചെറിയ വരകളും ചെറിയ വരികളും (നവവത്സരാശംസകള്‍)

Buzz It









2008-

താജ് സംഭവത്തിനുമുന്നേയും അതിനു പിന്നേയും വന്ന നേതാക്കന്മാരുടെ പ്രതികരണങ്ങളും, പല നേതാക്കന്മാരുടേയും ചെയ്തികളും ഒക്കെ 2008 നെ, ജനാധിപത്യ താത്പര്യങ്ങളുടെ സംരക്ഷകരെന്നു കരുതപ്പെടുന്ന രാഷ്ട്റീയ നേതാക്കളെ, സംശയ ദൃഷ്ട്യാ വീക്ഷിക്കേണ്ട ഒരു രംഗം സംജീവമാക്കി.


പരസ്പര വിരുദ്ധമായ പ്രതികരണങ്ങള്‍ .


വിരോധാഭാസമായ ജീവിത രീതികള്‍.


വായില്‍ വരുന്നതെന്തും വിളിച്ചു കൂവാനും, കവല ചന്തകളേക്കാള്‍ വില കുറഞ്ഞ പ്രകടനം കാഴ്ച വയ്ക്കാനും മാത്രമായ നിയമസഭാ സമ്മേളനങ്ങള്‍.


സാധാരണക്കാരന്‍റെ ജീവനു് ഒരു വിലയും ഇല്ലാത്ത അവസ്ഥയിലും, നേതാവിന്‍റെ ജീവനു് വില വിളിച്ചറിയിക്കുന്ന സെക്യൂരിറ്റി സന്നാഹങ്ങള്‍.


ജനാധിപത്യ രാജാക്കന്മാരായി ഭരണ പ്രതിപക്ഷ ഭേദമില്ലാതെ നേതാക്കന്മാര്‍ മാറുന്ന കാഴ്ച.
ജന ഹൃദയങ്ങളില്‍ നേതാക്കള്‍ എന്ന വാക്ക് പോലും നികൃഷ്ടമായി മാറുന്ന രൂപാന്തരം.
വോട്ടു നല്‍കി വിജയിപ്പിച്ച പാവം വോട്ടര്‍ മാരുടെ മാനസിക മാറ്റം.പുതിയ ജന വികാരം അവിശ്വാസത്തിന്‍റെ പടുകുഴിയില്‍ ശ്വാസം മുട്ടി നിലവിളിക്കുന്നു.
ജനാധിപത്യത്തിനെ അടിയറവു പറയിപ്പിക്കാന്‍ പഠിപ്പിക്കുന്ന നേതാക്കന്മാര്‍.


ഏറ്റവും ഒടുവില്‍ , ഉത്തര്‍ പ്രദേശിലെ ഒറയ്യ എന്ന സ്ഥലത്തെ 50 വയസ്സുകാരന്‍ എഞ്ചിനീയറെ വീട്ടില് നിന്നും വലിച്ചിറക്കി അടിച്ചു കൊന്ന നേതാവ് .കൊന്ന കാരണങ്ങള്‍ അറിയുമ്പോള്‍, വാ വിട്ട് നില വിളിച്ചു പോകുന്നു ശരാശരി വോട്ടര്‍മാര്‍.
ജനാധിപത്യം പേടി സ്വപ്നങ്ങള്‍ കാഴ്ചവയ്ക്കാന്‍ തുടങ്ങിയിരിക്കുന്നു..
ജനാധിപത്യത്തിന്‍റെ പൊയ്മുഖമിട്ട് പഴയ രാജഭരണത്തേയും ലജ്ജിപ്പിക്കുന്ന അനുഭവങ്ങള്‍ കാഴ്ചവയ്ക്കുന്ന ഇന്നത്തെ
ജനാധിപത്യ രാജക്കന്മാര്‍ ദുരന്തങ്ങളുടെ പട്ടികകളില്‍ പ്രധാനമായി മാറുന്ന കാഴ്ച.


വോട്ടു ബാങ്ക്.
ജനാധിപത്യം വോട്ടുകളില്‍ നിക്ഷിപ്തമാകുമ്പോള്‍....
എല്ലാ രാഷ്ട്രീയവും മാനിഫെസ്റ്റോകള്‍ക്കുമപ്പുറം വോട്ട് ബാങ്കിന്‍റെ രാഷ്ട്റീയം പകര്‍ത്താന്‍ ശ്രമിക്കുന്നു.
വോട്ട് ബാങ്കില്ലെങ്കില്‍ ഒരു മാനിഫെസ്റ്റോകളും ഇല്ല എന്ന അറിവ്, ജനാധിപത്യത്തിന്‍റെ കടക്കല്‍ കത്തി വയ്ക്കുന്നു.


അധികാരത്തിന്‍റെ അപാരതയ്ക്ക് കടിഞ്ഞാണുകള്‍,
ധനം സ്വരുപിക്കാനും പൊതുജീവിതത്തിലിരുന്ന് സ്വത്ത് കൂട്ടാനുമുള്ള ത്വരയ്ക്കും അതിനെ കര്‍ക്കശമായി തടയാനും സാധിക്കുന്ന നിയമ സംഹിത നടപ്പില്‍ കൊണ്ടുവരാന്‍ സാധിക്കുന്ന ഭരണം.‍ ഇതൊക്കെ സാധ്യമാകണം.ഇല്ലെങ്കില്‍ ഈ ജനാധിപത്യവും, ഇരുണ്ടവഴികളിലേയ്ക്ക് തിരിച്ചു പോകും എന്ന അവസ്ഥ അതി വിദൂരമല്ല. അങ്ങനെ ഒരിക്കലും ഉണ്ടാകാതിരിക്കട്ടെ.


നന്മയുടേയും ഐശ്വര്യത്തിന്‍റേയും വര്‍ണ്ണപ്പൂത്തിരികളുമായി 2009 നമ്മെ എല്ലാവരേയും ആശീര്‍വദിക്കാനും അനുഗ്രഹിക്കാനും കഴിയട്ടെ.
എല്ലാ ബൂലോക സുഹൃത്തുക്കള്‍ക്കും, പുതുവര്‍ഷാശംസകള്‍‍.!!!


-----------------------------------------------------------------

ഞായറാഴ്‌ച, ഡിസംബർ 21, 2008

ചെറിയ വരകളും ചെറിയ വരികളും (നാം മുന്നോട്ട്)

Buzz It

-----------------------------

അരിയെവിടെ തുണിയെവിടെ? എന്ന ചോദ്യം ഇന്നില്ല.
വീടെവിടെ കൂടെവിടെ പറയൂ പറയൂ സര്‍ക്കാരേ......
ആരും അതും ചോദിക്കുന്നില്ല.
ചോദിക്കാത്ത ചോദ്യങ്ങള്ക്ക് ലഭിക്കുന്ന ഉത്തരങ്ങളേ നിങ്ങള്‍ തന്നെ സാക്ഷികള്‍.‍!
‍‍‍‍‍‍‍‍‍‍‍‍‍‍‍‍‍‍‍‍----------------------------------------------------

വെള്ളിയാഴ്‌ച, ഡിസംബർ 19, 2008

ചെറിയ വരകള്‍ (വിലക്കയറ്റം)

Buzz It


എല്ലാവര്‍ക്കും നവവത്സര ക്രിസ്തുമസ്സ് ആശംസകള്‍...
--------------------------------

തിങ്കളാഴ്‌ച, ഡിസംബർ 15, 2008

ചൊവ്വാഴ്ച, ഡിസംബർ 02, 2008

ചെറിയ വരയും വരിയും(വായില്‍ തോന്നുന്നത് കോതയ്ക്ക് പാട്ട്.)

Buzz It


മഹാരാഷ്ട്രാ മുഖ്യമന്ത്രിയ്കൊപ്പം മുഖ്യമന്ത്രിയുടെ മകനും പ്രശസ്ത സിനിമാ സം‌വിധായകന്‍ റാം ഗോപാല്‍ വര്‍മ്മയും ടാജ് ഹോട്ടല്‍ സന്ദര്‍ശിച്ചു.- വാര്‍ത്ത.takbole





-വേണു-
-----------------------------------------------

വോട്ട് ബാങ്കല്ല.


മനുഷ്യനാണു് വലുത്.
സമൂഹമാണു് പ്രധാനം.
വോട്ട് ബാങ്ക് മുന്നില്‍ കണ്ട് , ചെയ്യേണ്ടാത്തതു ചെയ്യുകയും, പറയേണ്ടാത്തത് പറയുകയും ചെയ്യുന്നത്, ജനാധിപത്യ മര്യാദയല്ല.

താജ് ഹോട്ടലില്‍ നിന്നും രണ്ടാമത്തെ ദിവസം രക്ഷിക്കപ്പെട്ടു വെളിയില്‍ വന്ന ഒരു എം.എല്‍.എ.
വെളിയില്‍ വന്ന അദ്ദേഹം അധികാരത്തിന്‍റെ കസേരയില്‍ ഇരുന്നു.
പത്രക്കാരന്‍ വായാടി ചോദിച്ച ചോദ്യത്തിനു് ഉത്തരം നല്‍കിയത്.ഇങ്ങനെ.
“ഞാന്‍ ഒരു പൊളിറ്റീഷ്യനാണു്. എനിക്ക് പേടിയില്ല. എന്നെ ഒരു മുറിയിലാക്കി അവര്‍ പറഞ്ഞു. കതകു തുറക്കരുത്. ഞാന്‍ മുറിയിലിരുന്നു. എന്‍റെ ലാപ് ടോപ്പില്‍ അടുത്ത ഇലെക്ഷന്‍റെ പേപ്പര്‍ വര്‍ക്ക് കമ്പ്ലീറ്റ് ചെയ്തു. അതിനു അത്രയും സമയം എനിക്ക് ലഭിച്ചു.”
ഒരു മന്ത്രിയുടെ പ്രതികരണം .
“such small incidents happen” ഇതൊക്കെ വെറും നിസ്സാരമല്ലേ. പറഞ്ഞത് മന്ത്രിയാണേ. അപ്പോള്‍ സാരമായതെന്തോന്നാണോ ഇനി വരാനിരിക്കുന്നത്.
പണ്ടൊരു മന്ത്രി അമേരിക്കയിലെ ചായകുടി പറഞ്ഞതിനെയും വെല്ലിയ പ്രതികരണം.


മുഖ്യ മന്ത്രിയും മകനും രാം ഗോപാല്‍ വര്‍മ്മയും താജ് സന്ദര്‍ശിക്കുന്നു. ഒരു പുതു സിനിമയുടെ സൃഷ്ടിയാണോ, ദുരന്ത പശ്ചാത്തലം നല്‍കുന്ന പ്രചോദനം.!

ഇനി മറ്റൊരു നേതാവ് , ലിപ്സ്റ്റിക്കിട്ട സ്ത്രീകളെന്നു പറഞ്ഞു , രാഷ്ട്റീയക്കാരനെ ഫൂ...ഫൂ... എന്നു് പറഞ്ഞ സ്ത്രീകളെ കാഷ്മീരിലെ ഉഗ്രവാദികളുമായ് താരതമ്യം ചെയ്യുന്നു.

ഒരു സംസ്ഥാനത്തിന്‍റെ മുഖ്യമന്ത്രിയെ , രക്തസാക്ഷിയായ ഒരു മകന്‍റെ അച്ഛന്‍ ഗേറ്റടച്ചു് പറഞ്ഞയയ്ക്കുന്നു.
അതിനു ശേഷമുള്ള പ്രതികരണങ്ങള്‍.

ഒത്തിരി ഒത്തിരി ചിത്രങ്ങള്‍. നാം കാണാനാഗ്രഹിക്കാത്തത് കാണേണ്ടി വന്ന ദിവസങ്ങള്‍.

ഈ ജനാധിപത്യത്തില്‍ ഇലക്ഷനുകളില്‍ നെഗറ്റീവ് വോട്ടിനുള്ള സാധ്യതകള്‍ തുറന്നിരുന്നെങ്കില്‍ എന്നാഗ്രഹിച്ചു പോകുന്നു.!

സത്യത്തിന്‍റെ കണ്ണു നീര്‍ ഇറ്റു വീഴുന്ന ഈ ദശാ സന്ധികളില്‍, ഇനിയും പ്രതീക്ഷകളുമായി കാ‍ത്തിരിക്കുന്നു ഒരു ജന വിഭാഗം.

ജയ ഹിന്ദ്.
---------------------------------------

takbole