ഞായറാഴ്‌ച, ഏപ്രിൽ 29, 2007

വലിയ ലോകവും ചെറിയ വരകളും.(വക്കാരിയ്ക്കു് )

Buzz It
ദൈവം എന്നും ഒള്ളവനോടൊപ്പം നില്‍ക്കുന്നു.


പാചകത്തിനു് നല്ല ഡിമാന്‍റാണു്.
എന്‍റെ നല്ല കാലം തെളിയാന്‍‍ സമയമായി.


ദൈവം ഇല്ലാത്തവനു് ഇങ്ങനെയും കൊടുക്കുമോ.
ഇല്ലാത്തവനില്ല. കൊടുക്കുമ്പോള്‍‍ ഒടുവിലത്തെ കൊടുപ്പു്.



ഞായറാഴ്‌ച, ഏപ്രിൽ 22, 2007

വലിയലോകവും ചെറിയ വരകളും.(ഗുരുവായൂരപ്പാ )

Buzz It


ജനാധിപത്യത്തിലെ ഏറ്റവും വില കൂടിയ സാധനമാണു് വോട്ടു്. അതിനു് ഈ വോട്ടിടുന്ന ജീവികളെ തനിക്കായി എങ്ങനെ നില നിര്‍ത്താം എന്ന ബുദ്ധിപരമായ കാഴ്ച്ചപ്പാടിന്‍റെ തരം താഴ്ന്ന ഏര്‍പ്പാടുകളാണു് മന്ത്രിയുടെ ജല്പനം.
ഇതെല്ലാം ഒരു പടം, ഒരു നംബര്‍ മാത്രമാണു് .
എല്ലാം അറിഞ്ഞുകൊണ്ടുള്ളൊരു മസ്തിഷ്ക്ക പ്രക്ഷാളനം.!!

ബുധനാഴ്‌ച, ഏപ്രിൽ 18, 2007

വലിയ ലോകവും ചെറിയ വരകളും.(ബൂലോക സമ്മര്‍ദ്ദം)

Buzz It


ബ്ലോഗു ഡിലീറ്റു് ചെയ്യുക. എന്തുകൊണ്ടു്? സമയ ദൌര്‍ലഭ്യം.? എന്തിനു്.? മറുപടിയെഴുതാനോ...വന്ന കമന്‍റിനു് ഉത്തരം നല്‍കാനോ..? ഏതു ബ്ലോഗു സംഹിതയില്‍‍ അങനെ ഒരു നിയമം ഉണ്ടു്.? വെറുതേ നമ്മള്‍‍ കരുതുന്നു, ഉത്തരങ്ങള്‍‍ അര്‍ഹിക്കുന്ന കമന്‍റിനു് ഉത്തരങ്ങള്‍‍ കൊടുക്കണം എന്നു്. അല്ലാതെ സമയമില്ലെങ്കില്‍‍ ആരും അതു നോക്കി ഇരിക്കാറില്ല. ബൂലോകം ഞാന്‍‍ മനസ്സിലാക്കിയ ചുരുങ്ങിയ കാലയളവില്‍‍ , ഏതു കമന്‍റിനും നല്ലതും, ചീത്തയും, സംശയം, കൊറി, എല്ലാത്തിനും ഒറ്റ മറുപടി നന്ദി പ്രകടനത്തില്‍.അതു തന്നെയും പല ബ്ലോഗേര്‍സും ചെയ്യാറില്ല എന്നതും ഈ സമയം പ്രസ്താവ്യ യോഗ്യമാണു്.



ചില ചോദ്യങ്ങളും എന്‍റെ ഉത്തരങ്ങളും.
-----------------------------------------------------

കവി ബാലചന്ദ്രന്‍ ചുള്ളിക്കാടിന്റെ സൂര്യകാന്തി എന്ന ബ്ലോഗ് ബൂലോകത്തില്‍ കാണാനില്ല..
ശരി. എത്രയോ ബ്ലോഗറന്മാറ്‍ ഡിലീറ്റു് ചെയ്യുന്നു.
-------------------------------------
"വ്യക്തിഹത്യകളായ കമെന്റുകള്‍ അദ്ധേഹത്തെ പോലുള്ളവരുടെ സാന്നിദ്ധ്യം ഇവിടെ ഇല്ലാതാക്കും. അദ്ധേഹത്തിന്‌ നഷ്ടപ്പെടാന്‍ ഒന്നുമില്ല.
നമുക്കുണ്ട്‌."?
നമുക്കുമൊന്നുമില്ല.എല്ലാം നഷ്ടപ്പെട്ടവരാണിവിടെ ഭൂരിഭാഗവും.
------------------------------------
വിമര്‍ശനം നടത്തിയതിനു ബ്ലോഗ് ഡിലീറ്റി പോവുന്നതാണ് ബാലചന്ദ്രന്‍ ചുള്ളിക്കാടെങ്കില്‍ അത് മലയാളമറിയുന്ന ചുള്ളിക്കാടിന്റെ എതോ പ്രേതമായിരുന്നിരിക്കണം.
പ്രേതമൊന്നുമല്ല മജ്ജയും മാംസവുമുള്ള ചുള്ളിക്കാടു തന്നെ.
------------------------------------------------------------------------
അതു ഒറിജിനല് തന്നെയാണോ എന്നുറപ്പില്ല, എങ്കിലും അങ്ങിനെയൊരു സാധ്യതയുള്ളതിനാല് അദ്ദേഹത്തെ പുകച്ചു ചാടിച്ച നമ്മുടെ പ്രതിബദ്ധത ശ്ലാഘനീയം തന്നെ...!
ആരെ ആരു പുകച്ചു ചാടിച്ചു. പുകയ്ക്കാനോ ചാടിക്കാനോ ഈ ബൂലോകം അത്ര വളര്ന്നോ.?
----------------------------------
ഇങ്ങനെ മനസ്സിനെയും സമയത്തേയും വല്ലാതെ ഒക്ക്യുപ്പൈ ചെയ്യുന്നു ബ്ലോഗ് എന്ന്‌.... ദേവന്റെ ബ്ലോഗാസക്തി ലെവലില്‍ വളരെ പെട്ടെന്ന്‌ ചുള്ളിക്കാടെത്തി. എല്ലാത്തിനും കാരണം ദേവനാണ് :)
ഹഹാ...ഒരു ദേവനല്ല. പല ദേവന്മാരും വരും. വരുമ്വരാഴികകള്‍ അറിയണം. ഇതു് സ്റ്റേജാണു്.
അപ്പഴപ്പോള്‍ പ്രതികരണം ലഭിക്കും.
നമ്മടെ കുതന്ത്രങ്ങളുടെ കൈ ഒപ്പു് തത്സമയം ലഭിക്കുന്ന പോസ്റ്റോഫീസ്സു് ഇതില്‍ ഫിറ്റു് ചെയ്തിരിക്കുന്നു.
അതിലെന്തിനു വിഷമിക്കണം.?
--------------------------------
കണ്ട ആപ്പയും ഊപ്പയും പതിനഞ്ച് രൂപ കയ്യിലെടുക്കാനുള്ളവനെല്ലാം കേറിയിറങ്ങി നെരങ്ങുന്ന ഒരു വലിയ ജനകീയ മാധ്യമം തന്നെ ബ്ലോഗ്..അതിനെ നെഗറ്റീവായല്ല..പോസിറ്റീവായിത്തന്നെ എടുക്കണം..
ആരാണു് നെഗറ്റീവാണെന്നു ചിന്തിക്കുന്നതു്.?
-------------------------------
ശരിയാണ്‌, ബ്ലോഗെഴുത്ത്‌ നമ്മള്‍ വിചാരിക്കുന്നതിലേറെ ഡിമാന്റിംഗ്‌ ആണ്‌.
എന്തോന്നു് ഡിമാന്‍റിങ്ങു്. നമ്മള്‍ സ്വയം രചിച്ചെടുക്കുന്ന ഒരു ചുറ്റുപാടല്ലേ...
ഇവിടെ ആര്‍ക്കു് ആരോടു് പറയാനും പറയിപ്പിക്കാനും.
എനിക്കു് നല്ലതു് ഞാന്‍ എടുക്കുന്നു. ഇഷ്ടമായതില്‍ ഞാന്‍ കമന്‍റു ചെയ്യുന്നു. അതിന്‍റെ അര്‍ഥം ഇഷ്ടപ്പെട്ടതു് വേറെ ഇല്ലെന്നല്ല./ ഈ സമുദ്രത്തില്‍ ഒത്തിരി.?
-----------------------------
ഇയാളെന്നല്ല, മലയാളത്തെ സ്നേഹിക്കുന്നതുകൊണ്ട്‌ ഒരു കോറലെങ്കിലും എഴുതാന്‍ കഴിവുള്ളവരുടെ നഷ്ടം നമ്മുടെ
അടക്കമില്ലായ്മകൊണ്ടുണ്ടാകരുതെന്ന്‌ ഞാന്‍ ആഗ്രഹിക്കുന്നു.
ഞാന്‍ മനസ്സിലാക്കിയ ബൂലോകം പലപ്പോഴും ശ്രീ. വിശ്വപ്രഭയുടെ ഭാവനകളില്‍ ഞാന്‍ താദാല്‍മ്യം കാണാറുണ്ടു്. അങ്ങനെ ഒക്കെ ചിന്തിക്കുമ്പോള്‍ മലയാളത്തെ സ്നേഹിക്കാത്തവര്‍‍ ആരും ഈ ബൂലോകത്തിലില്ല എന്നു് എനിക്കു് എവറസ്റ്റു കൊടുമുടിയുടെ മുകളിലിരുന്നും ഒറച്ചു പറയാന്‍ കഴിയും.
-------------
ചുള്ളിക്കാടാണല്ലോ എന്ന് കരുതി പഞ്ചപുഛമടക്കി നില്‍ക്കണോ ബ്ലോഗര്‍മാര്‍. ബൂലോഗത്ത് വന്നാല്‍ ചുള്ളിക്കാട് മറ്റൊരു ബ്ലോഗര്‍ മാത്രം.
വളരെ ശരിയല്ലെ. ഈ ബൂലോകം ഞാന്‍‍ ദര്‍ശിച്ചതില്‍ ശരി എനിക്കു തോന്നിയ ഒരു കാര്യം.
സാക്ഷാല്‍‍ ‍ എഴുത്തച്ഛന്‍ ആ പണ്ടത്തെ തത്തയെയും കൊണ്ടു വന്നാലും സംസാരിക്കും
ബൂലോകം.:)
------------------
"പകുതി ഹൃത്തിനാല്‍ പൊറുക്കുമ്പോള്‍.."‍, നിങ്ങള്‍
പകുതി ഹൃത്തിനാല്‍ വെറുത്തുകൊള്ളുക‘.
എല്ലാം നല്ലതിനാണെന്നും ബാലചന്ദ്രന്‍ ചുള്ളിക്കാടു മാത്രമല്ല പല പല മഹാസ്ഥാനീയര്‍ വരും ഇവിടെ. ഇന്നല്ലെങ്കില്‍ നാളെ. പോയവരൊന്നും പോയവരല്ല. അവരിനിയും വരും. വന്നേ പറ്റൂ എന്നൊരു തോന്നല്‍.... നിങ്ങള്‍ക്കോ.?
‍‍‍‍‍‍‍‍‍‍‍‍‍‍‍‍‍‍-------------------------------------

ഞായറാഴ്‌ച, ഏപ്രിൽ 15, 2007

വലിയ ലോകവും ചെറിയ വരകളും.(വിഷു ആശംസകള്‍‍)

Buzz It


ഈ വിഷുപ്പുലരിയില്‍‍ നിങ്ങള്‍‍ക്കേവര്‍ക്കും എല്ലാ ഐശ്വര്യവും സര്‍വ്വ നന്മകളും സമാധാനവും ആശംസിക്കുന്നു‍‍.!!!

ശനിയാഴ്‌ച, ഏപ്രിൽ 14, 2007

വലിയ ലോകവും ചെറിയ വരകളും.(ഒരു ഡയറി തുറക്കുന്നു)

Buzz It


ഏപ്രിനി..14

രാവിലെ എഴുനേറ്റതു് ,

എപ്പോഴാണെന്നോര്‍ക്കുന്നില്ല.

ഓഫീസ്സിലേയ്ക്കിറങ്ങുമ്പോള്‍‍ ഭാര്യ പറഞ്ഞതൊന്നും ഓര്‍ത്തില്ല.

പതിവുപോലെ അടുത്ത ഫ്ലാറ്റിലെ സുന്ദരി ഭാര്യ , ഭര്‍ത്താവിനെ യാത്ര അയക്കുന്നതു് അസൂയയോടെ നോക്കി നിന്നു.

ബ്രേക്കു് ഫാസ്റ്റു് ഇഡ്ഡലിയും ചമ്മന്തിയും ആയിരുന്നു.

അമ്മയുണ്ടാക്കുന്ന ഇഡ്ഡ്ലിലിയും ചമ്മന്തിയും ദുഃഖത്തോടെ ഓര്‍മ്മിച്ചു.

പുതിയ ബൈക്കു് സ്റ്റാര്‍ടാക്കി വെറുതേ തന്‍റെ ഫ്ലാറ്റിലേയ്ക്കു് നോക്കി. അവിടെ ആരെയും കാണാന്‍ ഇല്ലായിരുന്നു.

ട്രാഫിക് കുരുക്കുകളില്‍ പെട്ടു് എപ്പോഴോ ഓഫീസ്സില്‍‍ എത്ത പ്പെട്ടു.

എല്ലാ ജോലിയും ചെയ്തു.

ബോസ്സറിയാതെ പലപ്പോഴും ഏനിക്കു് കിട്ടിയ കമന്‍റുകള്‍‍ നോക്കാന്‍ സമയം കണ്ടെത്തി.

ചെല ബ്ലോഗൊന്നും വായിക്കാതെ തന്നെ പേരു നോക്കി നല്ലതെന്നും ശരിയായില്ലെന്നും കമന്‍റു കൊടുത്തു.

അതിനൊക്കെ തന്നെ ഓഫീസ്സില്‍ നിന്നും ഇറങ്ങുന്നതിനു മുന്‍പു് ഒന്നാം തരം മറുപടി കമന്‍റുകളും കിട്ടി.


എല്ലാവരും ഫോട്ടോ ബ്ലോഗു ചെയ്യുന്നതു കണ്ടു് എനിക്കും ഒരു പൂതി തോന്നി. എന്‍റെ ഫോണ്‍ ക്യാമറായില്‍ ഞെക്കി രണ്ടു

ഫോട്ടൊ കാച്ചി. അപ്പഴേ അതിനും കിട്ടി നല്ലതു്.


എല്ലാം കൊണ്ടും നല്ല ദിവസമായിരുന്നു.

വൈകുന്നേരം വരുന്ന വഴിയില്‍ ബൈക്കു് പഞ്ചറായി. അതും തള്ളി അര കിലോമീറ്റര്‍‍ ദൂരം ചെന്ന കട

അന്നവധിയാണെന്നറിഞ്ഞു് .


പിന്നെയും തള്ളി അര കിലോമീറ്റര്‍‍ കൂടി.

പഞ്ചറു് ‍‍ ശരിയാക്കി പോകുന്ന വഴിയില്‍ റയില്‍വേ ഗേറ്റു് അടച്ചിരുന്നു.

താമസിച്ചതു് പറയാന്‍ മൊബയില്‍‍ നോക്കിയപ്പോള്‍‍ അതില്‍ ചാര്‍ജില്ല.

ഇപ്പോള്‍ രാത്രി 1.30. ഇനി ഞാന്‍ ഉറങ്ങാന്‍ പോകുന്നു.

ഈ മുറിയില്‍ പ്രകാശം ആണെന്നും പറഞ്ഞു് ശ്രീമതി അടുത്ത മുറിയില്‍‍ മോളുമായി ഉറങ്ങുന്നു.


നാളെ ഒത്തിരി വര്‍ക്കുകള്‍ ഓഫീസ്സിലുണ്ടെന്നു് ബോസ്സില്‍‍ നിന്നും സൂചനയുണ്ടു്.


കിടന്നതു്.1.35 എ.എം.

എഴുന്നേല്‍‍ക്കേണ്ടതു്. ശരിക്കും 5 എ. എം.

വരവു്. മൊത്തം 20 കിട്ടി.കമന്‍റിനത്തില്‍ തന്നെ.

ചെലവു്. കഷ്ടിച്ചു് 5 കൊടുത്തു.

കിട്ടിയ തോതു വച്ചു് 15 ലാഭമാ.
ആത്മഗതം.ഇനി നാളെ എത്ര കിട്ടാനിരിക്കുന്നു.

തിങ്കളാഴ്‌ച, ഏപ്രിൽ 09, 2007